សាលាគរុកោសល្យ និងវិក្រឹតការខេត្តពោធិ៍សាត់

សាលាគរុកោសល្យ និងវិក្រឹតការខេត្តពោធិ៍សាត់ ជាគ្រឹស្ថានបណ្ដុះបណ្ដាល គ្រូបង្រៀន កម្រិតបឋមសិក្សា។ សាលាគរុកោសល្យ និងវិក្រឹតការខេត្តពោធិ៍សាត់ បង្កើតឡើងនៅថ្ងៃទី០១ ខែមករា ឆ្នាំ១៩៨០ មានទីតាំងស្ថិតនៅក្នុងបរិវេណសាលាវិទ្យាល័យពោធិ៍សាត់ បន្ទាប់មកនៅឆ្នាំ២០០០សាលាបានប្តូរទីតាំងមកស្ថិតនៅភូមិសាលាគំរូ ដែលមានទំហំផ្ទៃដី ៣៣៦00ម៉ែត្រការ៉េ។​ កាលពីជំនាន់សង្គមរាស្ត្រនិយមនាទស្សវត្សទី ៦០-៧០ សាលានេះ មានឈ្មោះថា សាលាបឋមសិក្សាគំរូ ហើយក្រោយពីសង្គ្រាមរ៉ាំរ៉ៃអស់ជាង មួយទស្សវត្ស សាលានេះបានក្លាយជាមណ្ឌលហ្វឹកហ្វឺនយោធាប្រកបដោយអាវុទ្ធយុទ្ធភណ្ឌគ្រប់ប្រភេទ។​នៅក្នុងឆ្នាំ១៩៩៣ រដ្ឋអំណាចបានប្រគល់ឲ្យយោធាអ៊ុនតាក់ ស្នាក់នៅបណ្តោះអាសន្ន នៅពេលអ៊ុនតាក់ត្រូវបានបញ្ចប់ ពួកគេបានផ្ទេរទីតាំងនេះជាកន្លែងរបស់យោធាវិញ ក្រោយពីស្រុកទទួលបានសន្តិភាព យោធាបានប្រគល់ឱ្យសាលាវិញ ដោយបានជួសជុលក្រោមការឧបត្ថម្ភថវិកា (PASEC) ។

កសាងគ្រូបង្រៀនឱ្យមានចំណេះដឹង ជំនាញ សីលធម៌ និងមានសមត្ថភាពអនុវត្តវិជ្ជាជីវៈ ដោយមាន ការទទួលស្គាល់ពីសង្គម។

ដើម្បីសម្រេចបាននូវចក្ខុវិស័យគ្រឹះស្ថានអប់រំគ្រូបង្រៀនបានកំណត់បេសកកម្មចម្បង៖

• អប់រំគរុសិស្ស និងអភិវឌ្ឍសមត្ថភាពគ្រូបង្រៀនឱ្យមានគុណសម្បទាពេញលេញឆ្លើយតបបរិវត្តកម្មអប់រំ
• លើកកម្ពស់ការស្រាវជ្រាវអប់រំ ដើម្បីបង្កើនគុណភាពការបង្រៀន និងរៀន
• ផ្តល់សេវាដល់សហគមន៍ ដើម្បីចូលរួមចំណែកក្នុងការអភិវឌ្ឍសមត្ថភាពគ្រូបង្រៀន