សាលាគរុកោសល្យ និងវិក្រឹតការខេត្តសៀមរាប

ប្រទេសកម្ពុជាបានជួបប្រទះនឹងសង្គ្រាមស៊ីវិលជាច្រើនឆ្នាំ។ បន្ទាប់ពីប្រទេសជាតិបានរំដោះផុតពីរបបប្រល័យពូជសាសន៍ប៉ុលពត នៅថ្ងៃទី០៧ខែមករាឆ្នាំ១៩៧៩ គ្រប់វិស័យត្រូវបានស្ដារ និងកសាងឡើងវិញជាបណ្ដើរៗក្នុងនោះវិស័យអប់រំជាវិស័យអាទិភាពមួយ។ ថ្ងៃទី២០ខែមីនាឆ្នាំ១៩៨០ មណ្ឌលគរុកោសល្យ និង វិក្រឹតការខេត្តសៀមរាប-ឧត្ដរមានជ័យបានបើក ឡើងជាបណ្ដោះអាសន្ន នៅបរិវេណវត្តដំណាក់ ក្នុងស្ថានភាព ខ្វះខាតគ្រប់បែបយ៉ាង ដើម្បីឆ្លើយតបទៅនឹងសំណូមពរនិងជាបន្ទាន់។ ថ្ងៃទី១៣ ខែមករា ឆ្នាំ១៩៨១ មណ្ឌលគរុកោសល្យ និងវិក្រឹតការខេត្តសៀមរាប-ឧត្ដរមានជ័យត្រូវបានប្ដូរទី តាំងមកអតីតសាលាឯកជនចិន (សាខាវិទ្យាល័យសៀមរាបចន្លោះឆ្នាំ១៩៧០-៧៥)បច្ចុប្បន្នជា មជ្ឈមណ្ឌល អាទីសង់អង្គរ។ ថ្ងៃទី០១ ខែតុលា ឆ្នាំ១៩៨៨-បច្ចុប្បន្ន មណ្ឌលនេះត្រូវបានប្ដូរទីតាំងមក អតីតវិទ្យាល័យសុរិយាវរ្ម័នទី២ សាង    សង់ក្នុងទសវត្សទី៦០(ឆ្នាំ១៩៥២) ជាទីតាំងបច្ចុប្បន្ន ដែលស្ថិតនៅក្នុងភូមិមណ្ឌល៣ សង្កាត់ស្លក្រាម ក្រុងសៀមរាបតាម បណ្ដោយផ្លូវទៅកាន់រាជធានី អង្គរ(រុក្ខវិថីព្រះសីហនុ) ។

កសាងគ្រូបង្រៀនឱ្យមានចំណេះដឹង ជំនាញ សីលធម៌ និងមានសមត្ថភាពអនុវត្តវិជ្ជាជីវៈដោយមានការទទួលស្គាល់ពីសង្គម។

ដើម្បីសម្រេចបាននូវចក្ខុវិស័យសាលាគរុកោសល្យនិងវិក្រឹតការខេត្តសៀមរាបបានកំណត់បេសកកម្មចម្បងចំនួន៣គឺ៖

• អប់រំគរុសិស្ស និងអភិវឌ្ឍសមត្ថភាពគ្រូបង្រៀនឱ្យមានគុណសម្បទាពេញលេញឆ្លើយតបបរិវត្តកម្មអប់រំ
• លើកកម្ពស់ការស្រាវជ្រាវអប់រំ ដើម្បីបង្កើនគុណភាពការបង្រៀន និងរៀន
• ផ្តល់សេវាដល់សហគមន៍ ដើម្បីចូលរួមចំណែកក្នុងការអភិវឌ្ឍសមត្ថភាពគ្រូបង្រៀន