សាលាគរុកោសល្យ និងវិក្រឹតការខេត្តព្រះសីហនុ

សាលាគរុកោសល្យ និងវិក្រឹការខេត្តព្រះសីហនុ បានចាប់ឡើងតាំងពីថ្ងៃទី០១ ខែតុលា ឆ្នាំ១៩៨១៖

ក-ទីតាំង និងអាសយដ្ឋានសាលា

• ទីតាំងនិងអាសយដ្ឋានទី១៖ គិតចាប់ពីថ្ងៃទី០១ ខែតុលា ឆ្នាំ១៩៨១ ដល់ថ្ងៃទី៣០ ខែកញ្ញា ឆ្នាំ១៩៩០ មានទីតាំងនៅសណ្ឋាគារឆ្នេរសុខា ក្រុងព្រះសីហនុ ផ្លូវ២ធ្នូ ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។

• ទីតាំងនិងអាសយដ្ឋានទី២៖ គិតចាប់ពីថ្ងៃទី០១ ខែតុលា ឆ្នាំ១៩៩០ ដល់ឆ្នាំ២០០៨ មានទីតាំងស្ថិតនៅក្រុម១៥ ភូមិ២ សង្កាត់លេខ៣ ខណ្ឌមិត្តភាព ក្រុងព្រះសីហនុ និងចុងក្រោយទីតាំងនៅដដែល តែផ្លាស់ប្តូរអាសយដ្ឋាន    តាមរយៈសមាហរណកម្មរបស់រាជរដ្ឋាភិបាលពីខណ្ឌមិត្តភាព ក្រុងព្រះសីហនុ មកក្រុងព្រះសីហនុ ខេត្តព្រះសីហនុ ក្នុងឆ្នាំ២០០៨ ដូចនេះគិតចាប់ពីឆ្នាំ២០០៨ រហូតមកដល់បច្ចុប្បន្ន សាលាអាសយដ្ឋានស្ថិតនៅក្រុម១៥ ភូមិ២ សង្កាត់លេខ៣ ក្រុងព្រះសីហនុ ខេត្តព្រះសីហនុ។

ខ-ប្រវត្តិនៃការគ្រប់គ្រង និងការបណ្តុះបណ្តាល

• ប្រវត្តិនៃការគ្រប់គ្រង

• ឆ្នាំ១៩៨១ ដល់ដើមឆ្នាំ១៩៨២  នាយក           លោក  ហេហ៊ី ឈន

                                            នាយករង       លោក  ចេង គឹមសេង

• ឆ្នាំ១៩៨២ ដល់ចុងឆ្នាំ១៩៨៣   នាយក           លោក  ចេង គឹមសេង

                                                               នាយករង       លោក  យុត ហយ

• ឆ្នាំ១៩៨៤ ដល់ឆ្នាំ២០០៤        នាយក           លោក  យុត ហយ

                                            នាយករង       លោក  សោ បេងវិទ្យា

• ឆ្នាំ១៩៩៨ ដល់ឆ្នាំ២០០៤        នាយក           លោក  យុត ហយ

                                            នាយករង       លោក  សោ បេងវិទ្យា

                                            នាយករង       លោក  សុខ ធាវី

• ឆ្នាំ២០០៤ ដល់ឆ្នាំ២០១២       នាយក           លោក សោ បេងវិទ្យា

                                            នាយករង       លោក  សុខ ធាវី

                                            នាយករង       លោក  សន សុផានី

• ឆ្នាំ២០១២ ដល់ឆ្នាំ២០១៩       នាយក           លោក  សុខ ធាវី

                                            នាយករង       លោក  សន សុផានី

                                            នាយិការង      លោកស្រី ឯម វុឌ្ឍានី

• ឆ្នាំ២០១៩ ដល់២០២១          នាយក           លោក  សុខ ធាវី

                                            នាយករង       លោក  សន សុផានី

• ឆ្នាំ២០២១ ដល់បច្ចុប្បន្ន          នាយក           លោក  សុខ ធាវី

                                            នាយករង       លោក  សន សុផានី

                                            នាយិការង      លោកស្រី កៀង សូលីដា

   

• ប្រព័ន្ធបណ្តុះបណ្តាល

ជាគ្រឹះស្ថានឧត្តមភាពក្នុងការបណ្តុះបណ្តាលគ្រូ ប្រកបដោយ ស្ដង់ដាវិជ្ជាជីវៈ សីលធម៌ និងនវានុវត្តន៍។

• ខិតខំទាក់ទាញសហគមន៍ អង្គការដៃគូ អាណាព្យាបាលសិស្ស អ្នកមានសមត្ថភាព និងជំនាញ មកចូលរួមសកម្មភាពគាំទ្រអភិវឌ្ឍជំនាញទន់ ជំនាញរឹង ដល់គណៈគ្រប់គ្រង បុគ្គលិក គ្រូឧទ្ទេស និងគរុសិស្ស។

• អភិវឌ្ឍន៍ហេដ្ឋារចនាសម្ព័ន្ធរូបវ័ន្តសាលាតាមកម្រិតស្តង់ដា បំពេញតួនាទីគ្រប់ជ្រុងជ្រោយ ទំនើបកម្ម គាំទ្រដល់ការងារផ្តល់សេវាបណ្តុះបណ្តាលគ្រូបង្រៀន។

• លើកកម្ពស់ជាប្រចាំលើគុណភាព ប្រសិទ្ធភាពការងារ និងសេវាកម្ម ពិសេសការធ្វើឱ្យកាន់តែប្រសើរឡើងនូវសមត្ថភាពវិជ្ជាជីវៈគ្រូឧទ្ទេស ការទទួលខុសត្រូវរបស់គណៈគ្រប់គ្រង និងបុគ្គលិក។

• លើកកម្ពស់ការអភិវឌ្ឍគុណវុឌ្ឍិ និងការសិក្សាស្រាវជ្រាវជាប្រចាំ ត្រៀមឆ្ពោះទៅរកការផ្លាស់ប្តូរថ្មីៗ។

• ធ្វើបរិវត្តន៍កម្មលើការបង្រៀននិងរៀនតាមបែបឌីជីថល។

• បណ្តុះស្មារតីមនុស្សសកលដល់គរុនិស្សិត និងការអប់រំបរិយាបន្ន។

• អប់រំគរុនិស្សិតឱ្យមានសមត្ថភាពពេញលេញមុនចេញទៅបម្រើការងារ ប្រកបដោយវិធីសាស្ត្របង្រៀនថ្មីៗ ច្នៃប្រឌិត រស់រវើក និងមានគរុកោសល្យក្នុងការបង្រៀន។

• ផ្តល់ការគាំទ្រនិងផ្តល់រង្វាន់លើកទឹកចិត្តដល់គរុនិស្សិត គ្រូឧទ្ទេស និងបុគ្គលិកពូកែនិងមានស្នាដៃ។

• ធ្វើឱ្យសម្រេចបាននូវផែនការយុទ្ធសាស្ត្រក្នុងការអភិវឌ្ឍគ្រឹះស្ថានបណ្តុះបណ្តាលគ្រូ ដែលចេញដោយក្រសួងអប់រំ យុវជន និងកីឡា។